بچووکترین پرینتەر لە جیهانا

لە جیهاندا بەکارهێنانی زۆر زیاتر هەیە بۆ پرینتەرەکان وەک لە دەرکردنی کاغەزێکی A4، هەر لەبەر ئەمەشە کە کۆمپانیای The God Things هەستاوە بە دروستکردنی PrinCube، کە بە قسەی خۆیان بچووکترین پرینتری سەفەری ڕەنگییە.

بەڵام ئامێرەکە بە تەنیا کارناکات، چونکە لە ڕێی وایفای پەیوەندی بە بەرنامەکەیەوە دەکات کە لەسەر موبایل، یاخود کۆمپیوتەری بەکارهێنەرەکەیە. بە بەکارهێنانی ئەو بەرنامەیە، بەکارهێنەر دەتوانێت تێکستی ڕەنگاوڕەنگ، یاخود وێنە و جۆری تری گرافیک، دروستبکات و ئەمانەش دەنێردرێن بۆ میمۆری پرینتەرەکە بە وایفایەکە.

کاتێک لەسەر ڕوویەکی ساف دایدەنێیت، ئامێرەکە دەتپێدەکات بە پرینتکردنی داواکراوەکە لە کاتێکدا بەکارهێنەر بە ئاسۆیی ئامێرەکە دەیجوڵێنێت لەگەڵیدا. هەندێک فێرکاری هەیە بۆ یارمەتیدانی بەکارهێنەران لە پرینتکردنی وێنە و گرافیکی گەورەتر یاخود تێکستی دوورودرێژ .

بە پێی دروستکەرەکانی، ئامێرەکە بە دوو کاتژمێر شەحنکردنەوەی پاتریە 900-mAhەکەی بەرگەی 6 کاتژمێر لە بەکارهێنان دەگرێت. کێشی هەموو ئامێرەکە 160 گرامە بە حبرەکەشیەوە و کەڤەرێکی هەیە بۆ پاراستنی لەکاتی دانانی لە جانتا و گیرفاندا.

ئەگەر ویستت هەبێت لە ئامێرەکە، دەتوانی پاڵپشتی بکەیت لە هەڵمەتەکەیاندا. ئەگەریش بە 109 دۆلاری ئەمەریکی پاڵپشتی لە پرۆژەکە بکەیت، ئامێرێکت وەردەگریت لە کاتی بڵاوبوونەوەی، لە کاتێکدا ئەگەر دواتر بیکڕیت نرخی 199 دۆلار دەبێت لە بازاڕەکاندا.

سەرچاوە : Indiegogo