سەنتەری بازرگانی جیهانی سێیەم تەواوکرا
لە نیویۆرک لە هەمانشوێنی ئەو بینایەی کە هێرشەکانی 11/9ی بەرکەوت سەنتەری جیهانی بازرگانی 3 (World Trade Center 3) بە ڕەسمی تەواوبوو و کرایەوە لە لایەن کۆمپانیایەکی بەریتانیەوە.
بە بەرزی 328 مەتر، ئەم بینایە پێنجەم بەرزترین بینایە لە ویلایەتە یەکگرتووەکانی ئەمەریکا و لە 80 قات پێکهاتووە کە ڕووبەرە کۆکراوەکانیان دەکاتە 232,260 مەتر دووجا. 5 قاتی خوارەوە بۆ فرۆشیارین و هەموو ئەوانەی تر ئۆفیسن. هەروەها 44 مەسعەد (بەرزکەرەوە) لەخۆدەگرێت بۆ گواستنەوە.
4,000 کەس بەشداریانکردووە لە پرۆسەی بنیاتنانەکەی، لەگەڵ 10,000 تەبەقە شوشە، 25,000 تەن پۆڵا، وە 110,860 مەتر سێجا کۆنکرێت. بەم هەموو هەوڵە دیزاینێکی زیرەک و کاریگەرانە دەرچووە کە بڕوانامەی LEED ئاڵتونی وەردەگرێت.