پڕۆژەیەکی خانووی بچووک کە دەتوانیت خۆت بنیاتیبنێیت
خانووی بەستەر تاینی (Buster Tiny House) پڕۆژەیەکە لەوانەی کە ئامانجیان دابینکردنی خانووی بچووکە بە حازری یاخود بۆ ئەو کڕیارانەی کە دەیانەوێت بۆخۆیان بنیاتیبنێن. هەروەها ئەم خانووە، بە ڕووبەری 7.2 مەتر بە 2.4 مەتر، وە بەرزایی 4.2 مەتر، چوارچێوەی پۆڵا بەکاردێنێت کێشی سوکتری هەبێت.
لە ڕووی ناوەکییەوە، بەشێکی زۆری قاتی خوارەوەی خانووەکە دراوە بە هۆڵەکە و لەوێشەوە دەگات بە مەتبەخەکە کە شوێنی زۆری هەیە لەگەڵ هەموو کەلوپەلەکان. لە سووچێکیشدا تەوالێت و گەرما و دەستشۆر هەیە. بەهۆی قادرمەیەکیشەوە دەتوانیت بچیتە قاتی سەرەوە کە زۆر بچووکە و بەس بۆ خەوتن و شتومەک دانان کراوە.
ئەم پڕۆژەیەشیان وەک خانووە بچووکەکانیتر دەکرێت بگوازرێتەوە و وزەی تایبەت بەکاربێنێت (وەک وزەی خۆر یاخود پاتری). هەروەها نرخەکەشی لە دەوری 38,370 دۆلاردایە ئەگەر بە ناتەواوی بیکڕیت، بەڵام ئەگەر خانوویەکی تەواوکراوت بوێت ئەوا دەگاتە 70,730 دۆلار.