کابینەیەک بە جاکوزیەکی شاراوەوە

زۆرینەی کابینەکانی ئێستا کە پێشوازی لە خەڵک دەکەن بێنەوە ناو سروشت زیاتر سادەن، بەڵام ئەم کابینەیە بەناوی ئینتۆزەوایەڵد (Into The Wild) هەوڵی زیاتر دەدات بۆ ئاسوودەیی میوانەکان، گرینگترینیش لەوانە دانانی جاکوزیەکە.

ئامانج لەم کابینەیە، کە ڕووبەری 40م دووجای هەیە، گەیاندنی نیشتەجێبووانە بە سروشت، بۆیەش دیزاینێکی کراوە هەیە. یەکێک لە دیوارەکان یەک شووشەی گەورەیە کە دەکرێتەوە و هەستی ئەوەت پێدەبەخشێت لە دەرەوە دانیشتوویت، ناوەڕاستی سەقفی کابینەکەش شووشەییە بۆ هاتنە ناوەوەی ڕووناکی سروشتی و بینینی ئاسمان.

ژووری نووستنەکە ئەو بەشەیە کە شتەکان تیایدا سەرنجڕاکێش دەبن. لە ناوەڕاستیدا سیسەمێکی دوو کەسی دەدۆزیتەوە کە بە ویستی خۆت بەرزدەکرێتەوە و لەژێریەوە جاکوزیەک دەدۆزیتەوە.

لەگەڵ ئەمانەشدا کابینەکە پارچەی وزە-خۆری و کۆکەرەوەیەکی ئاوی بارانی تێدایە.

سەرچاوە : Off-grid Into the Wild cabin hides a Jacuzzi under the bed