خانووی قوڕیی و پرینتەری 3D
گروپی ئیتاڵیی WASP کارەکانی بە پرینتەری 3D دەکات. لەم دواییانەشدا باشترین پڕۆژەی خۆیانیان بنیاتناوە کە خانوویەکە پرینتکراوە لە تێکەڵەیەکی قوڕ و تەنها 1,000 دۆلاری ئەمەریکی تێچووە.
خانووەکە زەوی و ئەساسەکانی لە کۆنکرێتی پرینتکراوەوە بنیاتنراوە و سەقفەکەش لە تەختە، بەڵان بۆ دیوارەکان تێکەڵەیەکی قوڕیی بەکارهاتووە کە پێکدێت لە 25% خاک، 40% کا و چەند کەرەستەیەکی تر.
لە ناوەوە خانووەکە سادە و گونجاوە، گروپەکەش دەڵێن کە لە گەرما و سەرمادا باش خۆی دەگرێت. هەروەها لە ڕووبەرە 20م دووجاکەیدا هیچ شتێک نادۆزیتەوە لەبەرئەوەی تەواونەکراوە و هێشتا کاردەکرێت لەسەر شێوازی جێبەجێکردنی. لەبەر ئەمەش گۆڕانکاری لە نرخیدا دەکرێت، بەڵام پێشبینی دەکرێت پڕۆژەکە سەرنجبخاتە سەر هەرزای و ئاسانی دانان.