نرخی ئاسمانی لە بەرزترین تاوەری نیشتەجێبووندا

تاوەری پارکی ناوەندی (Central Park Tower) باڵەخانەیەکی زۆر بەرزی تازەیە لەلایەن Adrian Smith + Gordon Gull دروستکراوە، کە تەواویشبوو دەبێتە بەرزترین تاوەری نیشتەجێبوونی جیهان بە بەرزی 472م و شووقە لەخۆدەگرێت کە نرخیان لە سەروو 100 ملیۆن دۆلاری ئەمەریکیەوەیە.

تاوەرەکە بەرزترین بینای نیشتەجێبوون دەبێت نەک بەرزترین بینا، کە ئەوە بورجی خەلیفەیە بە بەرزی 829م. چەندەها ساڵ لە پلاندانان و کارکردنی هەرەوەزی باشترین ئەندازیار و دیزاینەرانی جیهان بووە هۆی دروستبوونی ئەم تاوەرە لە نیویۆرک، کە کوالێتی و دیزاین و خزمەتێک پێشکەش دەکات کە تا ئێستا نەبینراوە.

بەشەکانی ناوەوە لەلایەن ئەندازیارانی بەتوانای Rottet Studio دیزاینکراون و بنیاتنراون بۆ لەخۆگرتنی 179 یەکەی نیشتەجێبوون کە لە دوو ژوور نووستنەوە تا هەشت ژووری نووستن دەڕۆن، وە لە ڕووبەری 133م دووجا تا 1,625م دووجا بەردەستن.

قاعە، نادی، سەنتەر، فرۆشگا، سینەما و ناوچەی دیمەن بینین لە بەرزی 300م هەمووی دەبنە بەشێک لە تاوەرەکە، بەم هەموو تایبەتمەندییانەوە نرخەکان لە 6 ملیۆن دۆلارەوە تا سەروو 100 ملیۆن دەڕۆن لەوکاتەی پڕۆژەکە تەواوکرا.

سەرچاوە : World's tallest residential tower commands sky-high prices