گەورەترین سەنتەری هونەری لە تایوان

سەنتەری نیشتیمانی هونەری کۆسیونگ (National Kaohsiung Centre for the Arts) بینایەکی زۆربەنرخە کە لەم ماوانەدا تەواوکراوە لەلایەن کۆمپانیای مێکانو (Mecanoo)، وە 50,000 کەس ئامادەی مەراسیم و کۆنسێرتی کردنەوەی بوون.

سەنتەرەکە 141,000م دووجا ڕووبەرەکەیەتی و دەکەوێتە شاری کۆسیونگ. هەروەها دیزاینەکە ڕێگە بە فراوانی و ڕۆیشتنی هەوا دەدات، لە ناوەوەشیدا ئەمانە لەخۆدەگرێت:

هۆڵێکی کۆنسێرتی 1,981 کورسیی.
ماڵێکی ئۆپێرایی لەسەر شێوەی ناڵ بە 2,236 کورسی و سێ بەڵەکۆنەوە.
سەنتەرێکی سەما و دراما، 1,210 کورسی.
سەرنجڕاکێشترینیشیان، شانۆیەک کە لە سەقفەکەوە بنیاتنراوە و تا خوارەوە لێژ دەبێتەوە، ئەمەش دیمەنێکی بێوێنەی دروستکردووە.

لە چالاکیەکانی کە کراون لە ڕۆژی کردنەوەی ئۆرکێسترای تایوانە، پێشانگاو یاری ڕووناکی، گروپی سەما، ئۆپێرا، لەگەڵ هونەرمەندی دیجیتاڵ.

سەرچاوە : World's largest performing arts center opens in Taiwan