کابینەی شاخەوانی بەرگەی کەشی خولگەی باکوور دەگرێت

بۆ دابینکردنی شوێنێکی سەلامەت بۆ مانەوە و چێژ بینین لە دیمەنەکانی باکووری وڵاتی نەرویج، کە دەکاتە خولگەی باکوور، Spinn Arkitekter و Format Engineers یەکیان گرت و کابینەیەکی تایبەت بە شاخەوانانیان دروستکرد.

پڕۆژەکە پێکهاتووە لە دوو کابینە (لە ئێستادا یەکێکیان تەواوکراوە) بە تێچووی 113,000$ بۆ هەر دانەیەکیان. ئەمەش نیشانی دەدات چەندە گرینگی دراوە بەو دیزاینەی دوو کۆمپانیاکە پێشکەشیان کردووە، کە شتێکی جیاوازە و پێویستی بە یارمەتی خێرخوازانەی چەند لایەنێک کردووە.

بۆ کەمکردنەوەی تێچووەکان، کابینەکە بەیەکەوە نراوە لەلایەن ئەندامەکانی یانەی شاخەوانیی ناوچەکە بە 1500 کاتژمێر کار. بێگومانیش پێش ئەوەی بهێنرێت بۆ شوێنەکەی، تاقیکردنەوەی بەرگەگری بۆ کراوە.

لە ناوەوەشیدا سادەیی دەدۆزیتەوە لە ڕووبەرە 15م دووجاکەیدا. ئاگردانێک لەخۆدەگرێت لەگەڵ چەند تەپڵەک و کورسیەک، هەمووی بە دەوری پەنجەرەیەکی گەورە کە دیمەنی شارۆچکەکەی خوارەوەی تێدا دەبینرێت.

سەرچاوە : Spinn Arkitekter