خانوویەکی زۆر بچووک بە 1,500$
سەرکێشکار و پارێزگاری ژینگەیی Rob Greenfield حەزی لە خانووە بچووکەکان بەڵام هەستدەکات کە ئەم هەموو ڕازاندنەوە و تایبەتمەندیانە زیادەن. ئەو هەوڵیدا لە فلۆریدا خانوویەک بە کەرەستەی دووبارە بەکارهاتوو دروستبکات لە ژێر نرخی 1,500 دۆلاری ئەمەریکی.
وەک گرینفیڵد خۆی دەڵێت: "پێموایە خانووە بچووکەکان زیادەڕەوی دەکەن. لەو فیستیڤاڵەی سەردانمکرد، زۆر خانوو هەبوو بە نرخی 80,000 دۆلار، تەنانەت دوو ئەوەندەی ئەوەش. خانووەکانم بەلاوە سەرسامکەربوون بەڵام زۆر کەس و منیش توانای کڕینیمان نییە. ئەگەر بشتوانم، من خۆم نایکڕم چونکە حەزدەکەم بە سادەیی بژیم."
لە خانووە بچووکەکەی، کە 9 مەتر دووجایە و بە کەرەستەی دووبارە بەکارهاتوو دروستکراوە، ژووری چێشتلێنان لە دەرەوەیە و تەباخی گازی و وزەی خۆریی تیایە. دەستشۆرەکە ئاوی باران بەکاردەهێنێت، ئاوەکەشی دووبارە بەکاردێتەوە. ئەمانە لەگەڵ چەندین ڕێکاری تری ژینگە-دۆستانە.
هەروەها گرینفیڵد خانووەکەی لە باخچەی کەسێکدا کردووە و کاری باخەوانی بۆ دەکات لە بەرامبەر مانەوە، دوای ڕۆیشتنیشی خانووەکە بەجێدەهێڵێت. بەڵام چەندین پڕۆژەی تری بەدەستە بۆ نەهێشتنی سەرفبوون و پەرەدان بە ژینگە.
سەرچاوە : Rob Greenfield