کشتوکاڵ لەسەر سەقفی مارکێتێک

MVRDV چەند کارێکی مەزنی تری هەیە لە مارکێت بنیاتناندا وەک کێڵگەی شووشەیی، ئێستا پڕۆژەیەکی تازە دەهێننە پێش کە سەقفێکی گەورەی پڕ سەوزایی دەبێت و کشتوکاڵی لەسەر دەکرێت.

مارکێتی میوە و سەوزەواتی Tainan Xinhua لە تایوان دروستدەکرێت لە ناوەڕاستی ناوچەیەکی فرۆشتن کە 180 کوشکی فرۆشتنی لەخۆدەگرێت ئەمە بێجگە لە بینای تر.

بینای سەرەکی مارکێتەکە سەقفێکی گەورەی سەوزی دەبێت کە خەڵک دەتوانن بچنە سەری بەڵام بە تایبەتی بۆ گەشەدان بە بەرهەمی وەک ئەنەناس، برنج، گوڵ، وە چا بەکاردێت. هەروەها پڕۆژەکە بینایەکی 4 قاتی لەخۆدەگرێت کە ئۆفیسی بەڕێوەبردن و ڕێستۆرانت لەگەڵ شوێنی ڕکابەری بۆ بەرهەمە کشتوکاڵیەکان.

مارکێتەکە دەبێتە شوێنێک کە سەرنج دەخاتە سەر جوانی دەوروبەرەکەی و سروشتی ناوچەکە. لەگەڵ ئەوەشدا بەتەواوی کارا دەبێت و پێداویستیەکانی خەڵک دابیندەکات لە کڕین و فرۆشتندا، وە بێگومان بۆ گەشتیاران و سەردانیکەران بۆ بینینی بەرهەمەکان و سەوزای ناوچەکە.

سەرچاوە : MVRDV