ماڵی وزەپارێز و لە تەختە دروستکراو

کۆمپانیای تەلارسازیی ئیسپانی .E.L.M.R.A دوو خانووی خۆگریان دروستکردووە لە ناو دارستانێکی جوانی باکووری وڵاتەکە بە دیزاینێکی تەختەی سەرنجڕاکێش بە ناوی Two Cork Houses. جێی سەرنجیشە کە ئەم دوو خانووە وا دیزاین کراون کاریگەریان زۆر کەمبێت لەسەر ژینگەکەی دەوریان و ناوچەکە تێکنەدەن، تەنانەت هەندێک بەشی درەختەکان لەگەڵ خانووەکان تێکەڵکراون بۆ زیادکردنی جوانی سروشتی.

دوو خانووەکە 247م دووجا و 112م دووجان و هەردووکیان لەسەر بناغەی کۆنکرێت بنیاتنراون بەڵام زۆرینەی دیزاینی ناوەکی بە بەکارهێنانی تەختەوە بووە، ئەمە کەلوپەلەکانیش دەگرێتەوە.

وەک کۆمپانیاکە دەڵێت: "خانووەکە لە شوێنێکی لێژ و ناڕێکدایا بەڵام زۆر بە کەمی دەستکاری کراوە و ڕووەکیشی تێدا ڕوێندراوەتەوە بۆ سەرخستنی سروشتی ناوچەکە. هەروەها بەرزترین پلەی وزەپارێزیمان وەرگرتووە بۆ خانووەکانمان. ئەوەش بەلامانەوە زۆر گرنگە."

شێوەی ناوەکی خانووەکان سوود لە دارستانەکە وەردەگرێت و هەستی ئەوەت پێدەبەخشێت لە خانوویەکی سەر-داردایت بە دیمەنە کراوەکانی و ژوورە بێدەرگاکانی کە بەیەکەوە بەستراون بە شێوەیەکی کراوە.

سەرچوە : Inhabitat