خانووی سەفەری و ئامادە

کۆمپانیای ئیسپانی تەلارسازی Tenta خانوویەکی بچووکی دروستکردووە کە ئەکرێت دابنرێت لە هەموو شوێنێک. ئەم خانووە، کە ناوی Drop Box N-240ە، زۆر بە ئاسانی دەگوازرێتەوە بۆیە وەک خانوویەکی سەفەری وایە بۆ کاتێک نیشتەجێبوونی خێرا پێویست بێت.

N-240، کە بە ڕووبەری 18.5م دووجا دێت، دیزاینەکەی وا کراوە کە بگوازرێتەوە لەسەر کەشتی یاخود بە پشتی تڕێلە و ئامادەشبێت بۆ جێگیر بوون بە ئاسانی و بەبێ زیان گەیاندن بەو ژینگەیەی کە لێی دادەنرێت.

لە دروستکردنی خانووەکەدا تەختە بەکارهاتووە، کە ئاسانتر دەستدەکەوێت و بەرگەی کەشە جیاوازەکانیش دەگرێت. هەروەها ئەم هەڵبژاردەیە دیزاینێکی جوان دەبەخشێت و بێگومانیش، گەرم دەبێت.

لە ڕووی ناوەوەش، پێویستیەکانی چێشتلێنان بە دیوارەوەن و قەنەفەی-سیسەمی بەکارهاتووە، بێجگە لە تەوالێت و گەرماو لەگەڵ ژووری نووستنە پڕ دیمەنەکە.

بەداخەوە، هێشتا زانیاری نییە لەسەر نرخەکە.

 سەرچاوە :     Designboom