BIG خوێندنگای بازرگانی تەواودەکات
کۆمپانیای Bjarke Ingels Group، بە کورتی BIG لەم دوایانەدا خوێندنگای Isenbergی بەڕێوەبردنیان تەواوکرد وەک بەشێکی زیادکراو بۆ زانکۆی Massachusetts Amherst. پڕۆژەکە ناوی Business Innovation Hubە و ناوچەی فراوانی خوێندن و تێکەڵبوونی قوتابیان لەخۆدەگرێت لەگەڵ دیزاینێکی دەرەکی جیاوازدا.
پڕۆژەکە ڕووبەری 6,500م دووجایە و بەشی دەرەوەی ڕاگری ستوونی دەردەخات کە هەر دانەو کەمێک خوار دەبێتەوە بۆ نیشاندانی شێوەیەکی وەک دۆمینۆ.
ڕێی چوونە ناو بیناکە شێوەی سێگۆشەییە و دەتبات بۆ ناوچەی دانیشتن و نانخواردن. لە بەشی تردا پۆلەکان و ئۆفیسەکانی فێرکەرەکان هەیە لەگەڵ شوێنی کۆنفڕانس. لە ناوەڕاستیشدا باخچەیەکی بازنەیی هەیە کە دەتگەیەنێت بە زانکۆ سەرەکیەکە.
هەرچەندە زانیاری زۆر نییە لەسەر وزە-پارێزیی بیناکە بێجگە لە گرینگیدان بە ڕووناکی سروشتی، بەڵام دەوترێت کە بە گەرەنتی وەرگرتنی بڕوانامەی Leed Silver بنیاتنانەکە کراوە.
سەرچاوە : BIG