خانووی بچووک بە سەقفێک کە دەکرێتەوە

Optinid کۆمپانیایەکی تەلارسازیی فەڕەنسیە و بیرۆکەی کردنەوە و داخستنی سەقفی کردووە بە بەشێکی گرینگی خانووە بچووکەکانیان. ئێستاش، ئەوان جۆرێکی تر دەردەکەن کە بۆ گەشتیاران گونجاوە.

ناوی ئەم مۆدێلە The Head in the Stars Professional (سەر لەناو ئەستێرەکان)ە و 6.6م درێژە و پانی و بەرزی 2.55 و 4 مەترە. لە بنیاتنانیدا تەختە لەگەڵ پۆلیکاربۆنی ڕەش بەکارهاتووە بۆ بەشی دەرەوەی، وە وەک زۆرێک لە خانووە بچووکەکانی تر لەسەر تڕێلە دروستکراوە.

بێگومان ژووری نووستنەکە، کە بە پەیژە دەچیت بۆی، دیارترین بەشی خانووەکەیە لەبەر سەقفەکەی سەری کە دەکرێتەوە و دادەخرێت بەپێی پێویستی بۆ کردنەوەی ژوورەکە بۆ کەشی دەرەوە.

لە خوارەوەش بەشێکی باش بە ژووری دانیشتن گیراوە، ئەمیش قەنەفەی سیسەمی لەخۆدەگرێت. هەروەها تیایدا ژوورێکی چێشتلێنانی بچووک هەیە، لەگەڵ تەوالێت و گەرماو (بە ژووری جیا).

لەگەڵ ئەوەشدا خانوەکە وزەی خۆر بەکاردەهێنێت و لە بنیاتنانیدا سوود لە کەرەستەی دووبارە بەکارهاتوو وەرگیراوە.

سەرچاوە : Optinid