باشترین خانووە تازەکانی ئەمەریکا

دەزگای ئەمەریکی تەلارسازان (AIA) براوەی خەڵاتەکانی خانووی 2019ی ئاشکراکرد. ئەم خەڵاتە ساڵانەیانە باشترین تالارسازیی ئەمەریکی نیشتەجێبوون نیشان دەدات، ئەمساڵیش هەڵبژاردەیەکی باش دەرچوو لە 12 براوەکە کە بە پێی نوێگەری، بەرگەگری، سوود و بەردەستبوونی دەستنیشانکران.

تاوەری بچووک لەلایەن Studio Architects دروستکراوە و خانوویەکە وا دیزاین کراوە لە بۆشاییە بچووکەکان و قەرەباڵغیەکاندا جێیبێتەوە. ئەم هەڵبژاردەیە، کە لە فیلادێلفیا دروستکراوە، بە باڵەخانەی بچووککراوە ناودەبرێت بە 11م بەرزیەوە لەگەڵ ڕووبەری 116م دووجا، کە بەسەر 5 نهۆمدا دابەشکراوە (لە بۆشایی 3.6م x 8.8م دا).

Off-Grid Guesthouse لە کالیفۆرنیا یەکێکی ترە لە پڕۆژە باشەکان. لەبەر شوێنی دروستکردنی، کە سەر گردە، دیمەنێکی جوانی هەیە. بەڵام ئەوەی گرینگە و ناوی خۆی لێوە بەدەستهێناوە سەربەخۆییەکەیەتی، چونکە سەقفێکی پڕ سەوزایی هەیە و کارەبا لە خۆرەوە وەردەگرێت و ئاویش لە بیرێکی نزیکەوە.

سەرچاوە : AIA