خانوویەکی سەردرەختیی کەشخە

کۆمپانیای Blue Forestی بەڕیتانی خانوویەکی سەردرەختیی تازەی خۆی نیشاندا. خانووەکە لە 5 بەشی سەرەکی پێکهاتووە کە بەجیا بنیاتنراون و بەیەکەوەنراون، هەمووی بۆ بەخشینی هەستی ئازادی و ئارامی مناڵیی.

وەک کۆمپانیاکە خۆی دەڵێت، "ئێمە دەمانەوێت پڕۆژەکە سیفەتە مناڵییەکانی ناخی مرۆڤەکان بخاتە کار و هەستیان بوروژێنێت کاتێک دیزاینەکان دەبینن، لەگەڵ ئەوەشدا جوانی سروشتیانیان پێ نیشان بدەین."

وەک پێشتر باسکرا، خانووەکە لە 5 بەشی سەرەکی پێکهاتوور کە لە ستۆدیۆی تایبەت بنیاتنراون، وە هەر یەکەیان 1.5 تەنە و گوازراونەتەوە بۆ جێی پڕۆژەکە. کۆمپانیاکەش پێی وایە ئەم شێوازی بنیاتنانە نایابە و زیانی ژینگەیی کەمترە.

لە ناوەوەیدا هۆڵ، ژووری دانیشت، ژووری چێشتلێنانی تەواو و شوێنی خوێندنەوە دەدۆزیتەوە لەگەڵ چەند بەشێکی تر. پێکهاتەکەی کارایە و لەهەمانکاتدا خۆشە بۆ کات بەسەربردن.

لە کۆتاشدا کۆمپانیاکە سەرنج دەخاتە سەر جیاوازی ئەو پڕۆژانەی کە لەبەر دەستیانە و ئامانجەکانیان بۆ پێشکەوتوویی بەردەوام و نوێگەری لە دیزایندا.

سەرچاوە : Blue Forest