بارەگایەکی تازەی کۆمیتەی ئۆڵۆمپیات
کۆمپیتەی نێودەوڵەتی ئۆڵۆمپیات لەم دواییانەدا بارەگایەکی تازەی بەدەستکەوت لە سویسرا لەسەر دەستی 3XN. بە کارە شووشەییە جیاوازەکەیەوە، بیناکە دیزاینێکی درێژخایەنانە بەکاردەهێنێت بە زیادکردنی سیستەمی کۆکەرەوەی باران و وزەی خۆر و دووبارە سوود بینین لە کەرەستەی بەکارهێنراو.
پڕۆژەکە، بە ناوی The Olympic House، دەکەوێتە نزیک دەریاچەی Geneva و لە تەنیشت قەڵایەکی کۆنەوەیە. 3XNیش لەسەر کارەکەیان دەڵێن، "بەشێکی گرینگی دیزاینەکە دەکەوێتە شووشە و پەنجەرەکانەوە کە ڕۆحیەتی ئۆلۆمپیات دەردەخەن بە شێوە جوڵاو و سەیرەکەیان، کە وەک جوڵەی یاریزانە، وە ئەگەر لە گۆشەی جیاوازەوە بیبینی جیاواز دەردەکەوێت."
لە ناوەوەی بیناکەش ڕێکخستنێک دەبینین کە ڕێدەدات بە گۆڕانکاری لە کاتی پێویستدا لە هەر 5 نهۆمەکە، کە بە ڕاڕوێکی ناوەند بەیەک گەیەندراون.
پڕۆژەکە دوو بڕوانامەی وزە-پارێزی وەرگرتووە ئەمەش سەیر نییە کاتێک دەزانیت بیناکە چۆنە. لەسەر سەقفەکە پارچەی گەورەی وزە-خۆری داندراون کە پێویستی کارەبا کەمدەکاتەوە، وە سیستەمی کۆکردنەوەی بارانیش بەکارهێنراوە بۆ ئاودێری و تەوالێتەکان.
هەروەها هەوڵدراوە بۆ پاراستنی ڕێژەی بەرز لە ڕووناکی سروشتی و هاتنەناوەوەی، لەگەڵ سەوزایی لەسەر سەقفەکە. ئەمانە بێجگە لەوەی کە بەشێکی بیناکە لەو کەرەستانە بنیاتنراوە کە تایبەت بوون بەو بینایەی پێستر لەو شوێنەدا بوو پێش ڕووخاندنی.
سەرچاوە : 3XN