ماڵێکی یابانی بەدەوری باخچەیەکدا
دروستکردنەوەی ئارامی یەکێک لە باخچە بەناوبانگەکانی یابان لە قەرەباڵغی شاری کیۆتۆدا کارێکی ئاسان نییە. کۆمپانیایا Tomohiro Hata Architect and Associates هەڵسا بە بنیاتنانی Loop House کە خانوویەکە بە دەوری باخچەیەکدا بنیاتنراوە لەجیاتی پێچەوانەکەی.
خانووەکە بیرۆکە لە Katsura Imperial Villa وەردەگرێت کە خانوو و باخچەی بەناوبانگی سەدەی 17یەمە، وە ڕەمزێکە بۆ تەلارسازیی نایابی یابان. کڕیارەکە ویستی لە ئارامی ئەو باخچانە بوو بەڵام کارێکی قورسە لە نێو چوار دیواردا.
دیزاینی ئەم خانووە دوو نهۆمیە پێکدێت لە باخچەیەکی ناوەندی و بیناکە بە شێوەیەکی بازنەیی دەوری دەدات بۆ ئەوەی سەوزاییەکە هەرگیز دوور نەبێت.
هەروەها بەهۆی پەنجەرەی درێژ کە لە زەویەکەوە تا سەقفەکە دەڕۆن و چەند وردەکاری تر، هەستی یەکبوونی ناوەوە و دەرەوە دەبەخشێت کە مەبەستی تەلارسازەکان بووە.