ژووری نووستنی باڵندەیی، پارکی سەرسەقف و زیاتر لە خەڵاتەکانی LEAF 2019

هەڵبژێردراوانی کۆتایی خەڵاتە ساڵانەکانی ABB LEAFی بۆ ئەمساڵ دیاریکراون کە کۆمەڵێکن لە پڕۆژەی پلەبەرز لە دەوری جیهانەوە. لە چین تا سویسرا، کۆمپانیای بچووک و گەورە بەرهەمی کارەکانیان پێشکەش دەکەن.

براوەی گشتی لە 24ی مانگی 10 دیاری دەکرێت لە ئەڵمانیا. تا ئەوکاتە دەبێت تەنها سەیری بەشداربوان بکەین.

Pelli Clarke Pelli Architects لەم دوایانەدا خەڵاتێکی بینای بەرزی وەرگرت بۆ تاوەرێکی لە سانفرانسیسکۆ، ئەم پڕۆژەیەشی، کە وێستگەیەکی گواستنەوەیە، پەیوەندی بەو بینایەوە هەیە.

ئەم وێستگەی گواستنەوەیە بۆ پێنج شەقام درێژ دەبێتەوە و پارکێکی لەسەر بنیاتنراوە کە سەوزایی و ستەیجێکی 1000نەفەری دەگرێتە خۆ.

Urban Home of Nature دەکەوێتە بێیجینگ و وەک شوقەیەکی زەمینی دیزاین کراوە کە سروشت دەگرێتە ئامێزی. دیواری جیاکەرەوەی ناوەوە لابراوە و تەختە و کەرەستە بەکارهاتووە کە هەستی سروشتی دەبەخشن. هەروەها ژووری مناڵان وەک هێلانەی باڵندە دیزاینکراوە.

Basalt Architects ئوتێل و سپایەکی تازەی بنیاتناوە کە خۆی دەگونجێنێت لەگەڵ ژینگەکەی دەوروبەری. ئەوەی سەرنجڕاکێشە شوێنی بنیاتنانیەتی نزیک ماددەی دروستبوو لە گڕکان، وە ماددەکانیش بەکارهاتوون لە پڕۆسەی بنیاتنانەکەدا.

سەرچاوە : ABB LEAF Awards