تاوەرێکی سینگاپۆر سەوزایی دەبەخشێتەوە بە جێگەکەی
کۆمپانیای Kohn Pedersen Fox ڕازی نییە بە بەیەکەوەنانی چوار دیوار بەڵکو جوانترین باڵەخانەکان بنیاتدەنێت. لەم پڕۆژە تازەیەشیاندا، کە ناوی Robinson tower و 175 مەترە، دیزاینە سەرنجڕاکێشەکەیان نیشان دەدەن لەگەڵ بڕێکی زۆر گەورەی سەوزایی.
لە ساڵی 2014 حکومەتی سینگاپۆر یاسایەکی دەرکرد کە هەر سەوزاییەک کەم بکاتەوە بەهۆی کاری بنیاتنانەوە دەبێت جێی بگیرێتەوە بە هەمان ڕێژەی سەوزایی. ئەمە بۆتە هۆی چەندین پڕۆژەی پڕ لە ڕووەک و درەخت.
دیزاینی تاوەری ڕۆبنسنیش لەو یاسایەوە هاتووە، لەگەڵ زەوییە شێوە سەیرەکەی. ئەم پڕۆژە 24,000م دووجا ڕووبەرییە لە دووبەش پێکهاتووە. لە ناوەوەیدا ناوچەی فرۆشیاری گەورە هەیە کە باخچەی لەسەر بنیاتنراوە، لەگەڵ 20 نهۆم لە جێی ئۆفیس، وە بێگومان سەوزایی و باخچەی زۆر لە هەموو بیناکەدا.
سەرچاوە : KPF