Stefano Boeri سێ بینای پڕ سەوەزایی دیزاین دەکات
کۆمپانیای Stefano Boeri Architetti بە پڕۆکەکانی، کە پڕ لە سەوزایین، دیمەنێکی جوان دەبەخشن بە ناوچە قەرەباڵغەکان. دوابەدوای پڕۆژەکانی لە فەڕەنسا، چین و وڵاتی دیکە، کۆمپانیا ئیتاڵیەکە هەمان کاری دووبارە دەکاتەوە لە بنیاتنانی سێ بینادا لە میسڕ.
پڕۆژەکە دەکەوێتە شاری کایرۆ و دیزاینەری میسڕیش بەشداری تێدا دەکات. هەر یەکێک لە سێ بیناکەی کە بنیاتدەنرێن 30 مەتر دەبن لە درێژی و پانیشدا، وە پێکدێن لە ئوتێلێک و دوو شوقە، کە هەر یەکێکیان بەڵەکۆنەی پڕ لە ڕووەکیان دەبێت.
لە پڕۆژەکەدا زیاتر لە 350 درەخت دەڕوێندرێت، لەگەڵ هەزارەها ڕووەک و گیای جیاواز کە بە هەموویانەوە 3,600 مەتر دووجا سەوزایی پێشکەش دەکەن. جێی سەرنجیشە کە جۆری تایبەت بەکاردێت کە بەپێی وەرزی جیاواز گەشە دەکەن، ئەمەش دیمەنێکی گۆڕاوی وەرزیی بە پڕۆژەکە دەبەخشێت.
پڕۆژەکە لەلایەن MISR Italia Properties گەشەی پێدەدرێ و بەشێکە لە هەڵمەتێکی گەورەتر بۆ بەسەوزایی کردنی ناوچەکە.
لە کۆتاشدا، پڕۆژەکە پێشبینی دەکرێت 2020 دەسپێبکات و 2022 تەواوبکرێت.
سەرچاوە : Stefano Boeri Architetti