iPhone 11 لە دەیەم ڕۆژی ئەم مانگەدا نیشان دەدرێت
کۆمپانیای Apple بانگێشتنامەی دابەشکرد بۆ بۆنەیەک کە تێیدا موبایلی ئایفۆنی یازدەهەم ئاشکرا دەکات. خۆیان هیچیان لەسەر موبایلەکان نەوتووە بەڵام سپاس بۆ دەنگۆ و زانیاریە ناوەکیەکانی کە بەدەستمان گەیشتووە، بیرۆکەیەکمان هەیە لەوەی چیمان پێشکەش دەکەن.
زۆربەی ئەو زانیاریانەی لە ناوەوەی کۆمپانیاکەوە دەرچوون هاوڕان کە سێ موبایلی زیرەک نیشان دەدرێن، دانەیەک بەدوای XR، دوانی تریش بەدوای XS و XS Max، وە بە پاشناوی Proوە بەردەست دەبن. بێجگە لەو وشەیە هیچی تر نازانین لەسەر ناونانەکە.
دوو موبایلە مۆدێل بەرزەکە ئەگەری زۆریان هەیە ببن بە سێ کامێرایی، چونکە ساڵی پێشتر دووانی بوون. ئەم زیادکردنەش نزیککردنەوە و مەودای بینین باشتر دەکات.
لە ناوەوەی موبایلەکان، دیارە یەکەی چارەسەرکردنی A13 لەخۆدەگرن، چونکە هەموو ساڵێک پرۆسێسەرێکی تازە دەکرێتە موبایلەکانیان، بەڵام دیار نییە کە ئایا ڕام دەکرێت بە چوار گێگا یان نا.
هەندێک دەنگۆی سەرنجڕاکێش هەیە لەسەر شەحنکردنەوەی وایەرلێس پێچەوانە کە لە گالاکسیەکاندا هەیە. دەڵێن کە لەمەودوا دەتوانی ئێرپۆد (سەماعە هەواییەکانی کۆمپانیاکە) شەحنبکەیتەوە بە بەکارهێنانی ئایفۆنە تازەکەت.
هەروەها لەوە دڵنیاین کە iOS ڤێرژنی 13ی دێت، کە مۆدی تاریک و کۆنتڕۆڵی زیاتر لەسەر سیکیوریتی و وێنەکانت دەهێنێت لەگەڵ خۆی.
بەڵام ئەگەری ئەوە هەیە سەرساممان بکەن، بۆیە دەتوانن بە لایڤی تایبەت لە سایتەکەی خۆیانەوە سەیری بۆنەکە بکەن لەو ڕۆژەدا.
سەرچاوە : iPhone XS