بەرزترین باڵەخانەی نیشتەجێبوون لە جیهاندا
`
لە پارکی ناوەندی شاری نیویۆرک بەرزترین باڵەخانەی نیشتەجێبوون لە جیهاندا بەرەو تەواوبوون دەڕوات و گەیشتۆتە ئامانجی بەرزی 472 مەتر.
گرینگە کە سەرنج بخەینە سەر ئەوەی کە ئەم باڵەخانەیە بەرزترینی جیهان کە بۆ نیشتەجێبوونە چونکە ئەگەر لەناو گشت باڵەخانەکان بڵێین، هەموومان دەزانین بورج خەلیفە بەرزترە بەڵام ئەم بینایە بە پلەی 15یەم دێت.
بیناکە لەلیان Extell Development Company پەرەی پێدراوە و لەلایەن AS+GG دیزاینکراوە کە کاریان لەسەر بورج خەلیفەش کردووە و شارەزاییان لەسەر بنیاتنانی باڵەخانەی زۆر بەرز هەیە.
لەگەڵ ئەمانەشدا، باڵەخانە 131 نهۆمیەکە هۆڵی وەرزشی و مەلەوانگە و چەندەها خزمەتگوزاری تر دەگرێتە خۆی بۆ 179 ئەپارتمێنتە ڕازاوەکەی کە ڕووبەریان لە نێوان 133م دووجا بۆ 1,625م دووجایە.
هێشتا زانیاری نییە لەسەر بەرواری تەواوبوونی پڕۆژەکە بەڵام نرخەکانی لە نێوان 6 بۆ 100 ملیۆن دۆلاری ئەمەریکی دەبێت. بۆیە وا باشترە لە ئێستاوە پاشەکەوتی بۆ بکەیت ئەگەر ویستت لە ئەوێ بێت.
سەرچاوە : Central Park Tower