خانووی بچووکی فرە بەکارهێنان لەلایەن Escape

بە درێژایی ساڵانی کارکردنیان، کۆمپانیای Escape خانووی بچووکی جیاوازیان پێشکەشکردووە لە مۆدێلی زۆر گەڕۆک تا مۆدێلی خێزانیی گەورە. بەم زنجیرە تازەیەشی بەناوی EscapeSpace، تایەکان لادەبات و 3 مۆدێل پێشکەش دەکات کە فرەبەکارهێنانن.

لەو سێ جۆرە: Studio، کە لە مۆدێلێکی تریان دەچێت بەڵام بەبێ تایە. Ma، کە تایبەتمەندی جیاکەرەوەی دیوارە شووشەییەکەیەتی. وە Classic. هەرسێ مۆدێلەکەش بەردەستن بە درێژی 3.6م یان 4.8م.

هەروەها چەند زیادەیەکیان هەیە کە بەپێی بەکارهێنانی خۆت هەڵیان دەبژێریت، وەک شوێنی دانیشتن و ژووری چێشتلێنان، تەوالێت و ژووری نووستن. دەکرێت بە بەتاڵی داوای بکەیت یان بە تەواوی ڕازێنراوە لەگەڵ کارەبا و ئاوی بەستراو، دەشکرێت پارچەی وزە-خۆری بەکاربهێنیت.

"تاکە سنوور لێرەدا خەیاڵی خۆتە،" دامەزرێنەری کۆمپانیاکە دەڵێت، "پڕۆژەکەمان وەک کەپرێکی مۆدێرن وایە کە لە هەموو شوێنێک دادەنرێت و بۆ هەمووشتێک بەکاردێت، وەک نموونە: شوێنێک بۆ هەڵگرتنی شتومەک، ستۆدیۆی نووسینی خۆت، یان ئۆفیسێک تایبەت بە کارەکانت."

نرخەکان لەنێوان 11,900 تا 13,950 دۆلاری ئەمەریکدان، بەڵام بەپێی بەشە هەڵبژێردراوەکان و زیادەکان دەگۆڕێت.

سەرچاوە : EscapeSpace