باڵەخانەیەکی زۆر بەرزی تازە لە مانهاتن

KPF دامەزراوەیەکە شارەزاییان هەیە لە دیزاینی باڵەخانەدا، بەوەی کە 4 لە دە بەرزترین بینای جیهان لەلایەن ئەوانەوە بنیاتنراوە. ئەمجارەشیان پڕۆژەیەکی شیاو بە نازناوەکەیان پێشکەشدەکەن بەناوی One Vanderbilt و 427 مەتر بەرزە.

بیناکە، کە تێچووی 3.1 بلیۆن دۆلاری ئەمەریکیە، سەرەتا لە 2016 ئاشکرا کراوە و یەکێکە لە بەرزترین باڵەخانەکانی ویلایەتە یەکگرتووەکانی ئەمەریکا و بۆ تەواوکردنی بناغەکەی پێویستی بە 20 لۆری بوو لە 4 کارگەی جیاوازەوە بێ وەستان کاربکەن لە ئێوارەیەکەوە تا دوانیوەڕۆکەی تر. لە هەموویدا 400 بار کۆنکرێت گەیەندراوە بە پڕۆژەکە.

وەک KPF دەڵێن، "کە پڕۆژەکەمان نزیکتر دەبێتەوە لە تەواوبوون، شێوە باریک و کریستاڵییەکەی جێیەکی تایبەتی دەبێت لە ئاسمانی نیویۆرکدا. ئێمە شانازی دەکەین کە هەڵبژێردراوین بۆ بەڕێوەبردنی ئەم هەوڵە کە چەند ستۆدیۆیەکی تریش تێیدا بەشداربوون."

لە 2020دا، کاتێک تەواوبوو پرۆژەکە، 42 مەسعەد تێیدا فەرمانبەرەکان دەگوازنەوە لەنێوان ڕووبەرێکی ئۆفیسیی 158,000م دووجایی کە دابەشکراوە بەسەر 58 نهۆمدا. بەڵام بێجگە لەئەمە، باخچە و جێی نانخواردن لەخۆدەگرێت. بێگومانیش هێڵەکانی گواستنەوەی ناوچەکە باشتر دەکرێت.

بیناکە وادانراوە بڕوانامەی LEED وەرگرێت هەرچەندە زانیاری زۆر نییە لەسەر دیزاینی ژینگە-دۆستانە تێیدا، بەڵام دەوترێت سیستەمی کۆکردنەوەی ئاوی باران لەخۆدەگرێت و کەرەستەی خۆماڵی بەکاردەهێنێت.

سەرچاوە : Schindler