سودەکانی مۆبایل
موبایل لەم سەردەمەدا بووە بە پێویستیەک بۆ زۆر کەس لە جیهاندا چونکە توانای ئەوەمان پێدەبەخشێت پەیوەندی بەردەواممان هەبێت لەگەڵ خێزان و هاوکارەکانمان. موبایلە زیرەکەکانی ئەمڕۆش لەوەش زیاتریان پێدەکرێت، کە نەک هەر تەلەفون دەکەن و وەریدەگرن، بەڵکو زانیاری هەڵدەگرن و وێنە دەگرن و چەندەها توانای نەژمێردراوی تریشیان هەیە.
موبایلەکان سەرەتا کە پێشکەش بە گشتی خەڵک کران گەورە و گرانبەها بوون و کێشەی زۆریان هەبوو لەگەڵ شەبەکە. بەڵام ئەمڕۆ تەکنەلۆژیاکە هەر لە باشبووندایە و ئاسانتر و گرینگتریش بوو لەگەڵ ئەوەدا.
لە دۆخێکی ناکاودا، موبایل یارمەتیت دەدات بە ئاسانی بگەیت بە یارمەتی (جۆرە تازەکانی GPSیان تێدایە کە وادەکات موبایلەکە جێگەکەی دیاری بکرێت و بدۆزرێتەوە)، بەمەش ژیان ڕزگار دەکات. بەڵام بێجگە لە سوودیان ئێستا وەک نیشانەیەکی پلە و پایەش بەکاردێن.
بەرهەمهێنەرانی موبایل هەڵبژاردەیەکی فراوان لە موبایل دروست دەکەن کە نرخیان لە زۆر هەرزانەوە تا زیاتر لە هەزار دۆلار دەڕوات. هەروەها بژاردەی ئەوەمان دەدەنێ موبایلێک هەلبژێرین کە تواناکانی لە ئاستی پێداویستی خۆمان بێت.