باڵەخانەیەکیی دیزاینکراو لەلایەن Zaha Hadid لە چین
Leeza Soho دیزاینکراوە لەلایەن Zaha Hadid خۆیەوە پێش ئەوەی کۆچی دوایی بکات و ئێستا لە کۆتادا کرایەوە. باڵەخانەکە بەرزیەکەی دەگاتە 207 مەتر و گرینگی بە ژینگە دراوە لە دیزانەکەیدا.
پڕۆژەکە دەکەوێتە Beijing لە چین. ئەو جێیەی کە لەسەری بنیاتنراوە ڕێیەکی ژیر زەوی پێیدا دەڕوات و بیناکەش لەبەر ئەمە دوو بەشە (هەر بەشەو لە دیوێکی تونێلەکە). تەنانەت دەشتوانی بڵێیت کە دوو تاوەرە و بەیەکەوە نراوە.
بەشی ناوەوەی لیزا سۆهۆ پێکدێت لە 172,800 مەتر دووجا جێی ئۆفیس کە دابەشکراوە بەسەر 45 نهۆمدا، لەگەڵ چوار نهۆمی ژێرزەمینی. دوو بەشەکەی بە 4 پرد بەیەک گەیشتوون.
هەندێک لە شێوازەکانی وزە پارێزی بیناکە بریتین لە: سیستەمێکی بەڕێوەبردنی وزەی ئاڵۆز و زیرەک، کۆکردنەوەی ئاوی باران و بەکارهێنانەوەی بۆ پاککردنەوەی تەوالێتەکان و ئاودان بە ڕووەکەکان، دانانی 2,680 جێگای پارککردنی پاسکیل و هاندانی ستاف و کارمەندەکان بۆ هاتوچۆکردن بە پاسکیل.
سەرچاوە : Zaha Hadid Architects