خانوویەکی بچووکی ئامادە بۆ زستان

کۆمپانیای کەنەدی Minimaliste لەم دواییانەدا دانەیەکی تری لە خانووە بچووکەکانی تەواوکردووە بە ناوی Thuja، کە دەکرێت ڕابکێشرێت. مۆدێلەکەشی قەبارەیەکی گەورەی هەیە بۆیە جێی زیاتری هەیە بەڵام بەهۆی ئەمەوە پێویستت بە مۆڵەتە بۆ جوڵاندنی.

ئەم خانووە، بە درێژی 9.1م و پانی 3.2م، لەسەر تڕێلەیەکی سێ-ئاکسل بنیاتنراوە بە تەختەی Cedar و SIP ئەمەش وای کردووە ناوەوەی قەپات بێت و پێویستی بە وزەی کەمتر بێت بۆ پاراستنی پلەی گەرمیەکەی.

کاتێک دەچیتە ناو ڕووبەرە 29 مەتر دوجاکەیەوە، سەرەتا خۆت لە ژووری دانیشتن دەبینیتەوە کە دیارترین بەشی قەنەفە ئێڵە گەورەکەیەتی کە وەک سیسەمیش کار دەکات. هەر لەوێش تەلەفیزیۆنێک دانراوە لەگەڵ گەرمکەرەوەیەکی هەوا.

ژووری چیشتلێنانەکەش کەوانتەرێکی گەورەی تێدایە بە فرێزەر و سەلاجە و فڕنێک، لەگەڵ سنگ و جێی شتومەک هەڵگرتن. لەو لاوە تەوالێتەکە هەیە لەگەڵ گەرماوەکە کە ئامێری وشککەرەوە و جلشۆری تێدایە.

ژووری نووستن تەنها یەک دانە هەیە و بە قادرمەیەک پێی دەگەیەت. بێگومان وەک خانووە بچووکەکانی تر، بەرزیەکەی کەمە بەڵام سیسەمەکە گەورەیە. لەگەڵ ئەوەشدا پەنجەرەیەکی ژوورەکە دەکرێت لە کاتی پێویستدا بەکاربهێنرێت بۆ چوونە دەرەوە لە خانووەکە.

The Thuja فرۆشرا بە نرخی 90,000 دۆلاری ئەمەریکی بۆ ژن و مێردێک لە کەنەدا.

سەرچاوە : Minimaliste