خانوویەکی 90 ساڵە نوێدەکرێتەوە و خەڵات دەباتەوە
Inside World Festival of Interiors فێستیڤاڵێکی تایبەتە بە ناوەوەی بیناکان و ئەمساڵ لە ئەمستەردام بەڕێوەچوو. لەم فیستیڤاڵە ساڵانەیەدا خانوویەکی تازەکراوە بەناوی JCA Living Lab لە تایوان دانرا بەو خانووەی باشترین کاری ناوەوەی هەیە.
پڕۆژەکە لەلایەن J.C. Architectureەوە کراوە و بینایەکی 90 ساڵە دەگۆڕێت بۆ جێیەکی گونجاو بۆ خێزانێک، لە کاتێکا بنیاتنراوە کە تایوان لە ژێر دەستی یاباندا بوو. کارەکەش بە وردی کراوە بێگومان، کە بەشی تەختەیی کۆنی تێدایە و بەشی تازە زیادکراوە لەگەڵ گەورەکردنی خانووەکە، لەوانە ژووری دانیشتن و چێشتلێنان لەگەڵ ژوورێک بۆ کۆبوونەوە.
بڕیاردەرەکانی پێشبڕکێی فیستیڤاڵەکە دەڵێن، "خانووەکە گونجاوە بۆ ویستە جیاواز و عەکسەکانی خێزانێک. هەموو بۆشایی و ڕووبەرێکی خانووەکە دەکرێت گۆڕانکاری تێدا بکرێت و ئەم هەڵبژاردە زۆرانە دەتوانێت جیاوازیەکانی ئەندامەکان بە ئەرێنی بهێڵێتەوە و کێشەکان کەمبکاتەوە."
هەروەها بۆ کەرەستەکان هی کۆنە دووبارە بەکارهێنراونەتەوە لەگەڵ تازەکاندا و بۆشایی ناوەوە بەرەو باخچەکە دەکرێتەوە و ڕووناکی سروشتی بە شێوەی پێشبینی نەکراو دێتە نێو خانووەکەوە. بە هەموو ئەمەش هەوڵدراوە بۆ بەخشینی هەستێکی سروشتی لە قەرەباڵغی نێو شاردا.
سەرچاوە : Inside World Festival of Interiors