خانوویەکی بچووک، بە ناوی قازی کەنەدی گەورەوە

کۆمپانیای Mint Tiny Houseی کەنەدی لەم دواییانەدا مۆدێلێکی تازەی لە خانووەکانی تەواوکردووە و لەسەر قازی کەنەدی ناونراوە (Canada Goose)، ناوەکەش گونجاوە چونکە گەرچی هەر بچووکن باڵندەکە گەورەیە لەچاو قازەکانی تردا، خانووەکەش گەرچی "خانووی بچووک"ە هێشتا زۆر گەورەیە لە چاو ئەوانەی تردا.

Canada Goose لەسەر تڕێلەیەکی سیانە-ئاکسل بنیاتنراوە و بە تەختەی cedar و timber تەواوکراوە، کۆمپانیاکەش سەرنج دەخاتە سەر قەپاتیەکەی. لە ناوەوەش ڕووبەری گشتی 37م دووجامان هەیە بە دیزاینێکی گونجاو.

سەردانکاران سەرەتا دەچنە ناو مەتبەخەکەوە کە سەلاجە و فرێزەر(گەرچی ناویان یەک شتە و بە دوو زمانی جیایە، بەس بابەتەکە، بەداخەوە، لەسەر زمانەوانی نییە.)، سنگێکی سیرامیکی لەگەڵ فڕن و غاز لەخۆدەگرێت. هەروەها لە نزیکیەوە ژووری دانیشتن و جێی شتومەک هەڵگرتن هەیە.

لەو لای تری خانووەکە دەرگایەک هەیە بەرەو تەوالێت و گەرماو و هەموو ئامێرەکان کە پێویستە تێیاندا، لەگەڵ جێی زیاتریش بۆ شتومەک هەڵگرتن (وەک هەموو خانووە بچووکەکانی تر). جا لە ڕێی ئەم بەشەوە دەگەیت بە ژووری سەرەکی نووستن کە دەتوانی تێیدا بەپێوە بوەستیت (تایبەتمەندیەکە کە هەموو خانووە بچووکەکان نیانە).

زانیاری نییە لەسەر نرخی خانووەکان بەڵام کۆمپانیاکە هەڵبژاردەی زۆر دەدات بە دەستی کڕیار لە خەریتە و قەبارە تا ڕازاندنەوە و شتومەک. هەر خانوویەکیش 8 بۆ 12 هەفتەی دەوێت تا تەواو بکرێت.

سەرچاوە : Mint Tiny House Company