خانوویەکی پشوو لەسەر کەناری دەریا

St Andrews Beach House دانراوە لە گڵ و گیای لێواری Mornington Peninsulaی ئوستوڕاڵیا. ئەم خانووە شێوە بازنەییە بە ستانداردێکی باش تەواوکراوە و شانازی بە ڕێژەیەک لە وزە/ژینگە-پارێزی دەکات کە کۆکردنەوەی ئاوی باران یەکێکە لەو تایبەتمەندیانە.

پڕۆژەکە لەلایەن Austin Maynard Architectsەوە دیزاینکراوە. دەزگاکە بەکرێگیراوە لەلایەن کڕیارێکەوە کە شتێکی سادە و بچووکی دەویست بۆ ناوچەیەک لە نزیک کەناری دەریا، جیاواز لەو خانووە زەبەلاحانەی ناوچەکە.

خانووەکە ڕووبەری 139م دووجایە و بەسەر دوو نهۆمدا دابەشبووە، هەروەها بنیاتنراوە لە تەختەی timber کە لە دەرەوە و ناوەوە جوان دەردەکەوێت. لەبەر شێوە بازنەییەکەی نەخشەیەکی کراوەی بۆ دانراوە و نهۆمی خوارەوە ژووری چێشتلێنان، نانخواردن، دانیشتن و تەوالێت و گەرماوی تێدایە.

سەرەوەش شوێنی نووستنی تێدایە لەگەڵ تەوالێت و گەرماوی تر. شوێنەکە بۆخۆی بۆشاییەکی گەورەیە و بە پەردە جیاکراوەتەوە، بۆیە دەکرێت وەک ژوورێکی دانیشتنی تر بەکاربهێنرێت.

لەگەڵ ئەوەشدا لەسەر سەقفەکە لەوحی وزە-خۆر هەیە لەگەڵ تەنکی کۆکەرەوەی ئاوی باران کە بەکاردەهێنرێت بۆ تەوالێت و باخچەکە. ناوچەکەش دەستکاریکراوە بۆ ئەوەی سەوزاییەکە ڕێگربێت لەپێش ڕەشەبای لم.

سەرچاە : Austin Maynard Architects