خانووی بچووکی Cherry Picker

کۆمپانیای Build Tiny بەکرێگیرا بۆ دیزاینکردنی خانوویەکی میوان بۆ هاوڕێ و خێزانی خاوەنەکە کە زۆرکات سەردانی دەکەن. ئەنجامەکە Cherry Picker Tiny Houseە کە ئاسوودەیی دەبەخشێت بە سەردانکاران بە فراوانی ناوەوەی و دیمەنە جوانەکانی نیوزیلاندا کە نیشانی دەدات.

خانووەکە لەسەر تڕێلەکەی دەبڵ-ئاکسل بنیاتنراوە و 8م درێژ و 2.9م پانە، پانترین خانوو کە کۆمپانیاکە بنیاتی ناوە، بۆیە بە گشتی کراوەترە، بەڵام ئەمەش وادەکات بەبێ مۆڵەت نەکرێت خانووەکە بگوازرێتەوە.

دەرەوەی خانووەکە بە پلاستیکی vinyl کراوە لەگەڵ دەرخستنی بە تەختەی cedar، پەنجەرەکانشی بەتایبەتی وا دانراون کە دیمەن زیادبکەن. لە پێشەوە و دواوە دەرگای شووشەیی هەیە و بەرەوەی ژووری دانیشتن دەکرێنەوە کە قەنەفە-سیسمەی تێدایە لەگەڵ ڕەفەی کتێبدا.

لەپەناوە مەتبەخەکە هەیە کە کەوانتەر، سنگ، تەباخ و هەموو پێداویستەکانی تری تێدایە لەگەڵ تەپڵەکێک بۆ نانخواردن. هەروەها پەنجەرەیەکی دەکرێتەوە وەک ڕەفێک بۆ گەیاندنی خواردن و خواردنەوە بۆ دەرەوە.

بێجگە لە تەوالێت و گەرماوەکە، لە خانووەکەدا یەک ژووری نووستن هەیە کە بە قادرمەیەک پێی دەگەیت (کە ئەویش لە خۆیدا شتومەکی تێدا هەڵدەگیرێت وەک هەموو خانوویەکی بچووکی دیکە، بەڵام لێرەدا سیستەمی گەرمکەرەوەکەش دەشارێتەوە).

لە کۆتاشدا، Cherry Picker Tiny House بە هەموو شتێکیەوە، بە نرخێک لەدەوری 90,000 دۆلاری ئەمەریکیدا درایە دەست خاوەنەکەی.

سەرچاوە : Build Tiny