بەکارهێنانی ڕوناکی لە تەلارسازیدا
ستۆدیۆی دیزاین و تەلارسازیی Payette پڕۆژەیەکی ڕووناککردنەوەی دیزاینکردوە بۆ Lynnکە یەکێکە لە شارەکان و سەنتەرەکانی پیشەسازی Massachusetts. پڕۆژەکە ڕووناکی LED دینامیکی و ڕەنگگۆڕ دادەنێت و دەیانخاتە بەردەست بۆ پڕۆگرامکردن.
لە 2016دا MassDevelopment پلانێکی ڕاگەیاند بۆ شارەکە و 30 پارچەی هونەری نەخشاند لەسەر دیواری شەقامەکان لەگەڵ ڕووناکی نوێ لە سێ خاڵی گرنگ و گشتیدا. Payette پێشتر لە بۆستۆن کاری تازەکردنەوەی لەسەر ناوچەیەکی چوارڕێیان کردووە و بەم ئەزموونە ستۆدیۆکە ڕێککەوت لەگەڵ Beyond Wallsیشدا بۆ چارەسەرکردنی ئەم کێشەی ڕووناککردنەوەیە لە لین.
ئەو ناوچانەی کە ناتوانرێت بەباشی تیایاندا ببینرێت، بەتایبەتی ژێرپرد و ڕێگاکانی تر لەو شێوەیە، مەترسی و نائارامی دروست دەکەن بۆ هاوڵاتیان، بەڵام ئێستا ڕووناککەرەوەی بەهێز و ڕەنگگۆڕیان هەیە کە تێیدا هونەر و تەکنەلۆجیا کۆدەبێتەوە و لەگەڵ ئەوەشدا پارچەی مێژوویان تێدایە لەبارەی شارەکەوە کە لەلایەن هونەرمەندانەوە کێشراوە لەسەر دیوارەکان.
شتێکی سەرنجڕاکێش لەبارەی پڕۆژەکەوە ئەوەیە کە بە یارمەتی شارەکە، تینی ڕووناککردنەوەکە بەرنامەیەکی موبایل دروستدەکات کە وادەکات هەرکەسێک لە ڕووناکیەکانەوە نزیکبێت بتوانێت جۆری ڕووناکی و گۆڕانکاریەکانی هەڵبژێرێت. ئەم ڕووناکیانەش تەنها وزەیان بەقەدەر 16 لایتی سەرشەقامی شارەکە پێویستە.
سەرچاوە : Archdaily