چەن ڕاستیەکی سەرسامکەر دەربارەی خانووە 123 ملیۆن دۆلاریەکەی (Bill Gates) لە واشنتۆن
(بیڵ گەیتس) ی دامەزرێنەری کۆمپانیای مایکرۆسۆفت دەوڵەمەندترین پیاوی ئەمریکایە کە لە ئێستادا خاوەنی 86.6 بلیۆن دۆلارە
درووستکردنی ئەم خانووەی بیڵ لە واشنتۆن حەوت ساڵی خایاندو و بڕی 63 ملیۆن دۆلاری تێچوو کە ناوی ناوە (2.0 Xanadu)
کە لە سەر ڕووبەری 66 هەزار پێی دووجا درووستکراوە.
گرنگترین تایبەتمەندییەکانی ئەم خانووە بریتین لەمانەی خوارەوە :
1- نرخی ئەم خانووە لە ئێستادا بە لایەنی کەمەوە نزیکەی 123 ملیۆن دۆلار دەکات.
2- نیو ملیۆن دۆلاری بۆ کڕینی پارچە تەختە دار لە پڕۆژەکەدا تەرخانکراوە ،خانووەکە بەتەختەی داری (Douglas)ی تەمەن 500 ساڵی درووستکراوە ، 300 کرێکارو وەستا کاریان لە خانووەکەدا کردووە کە 100 یان کارەباچی بوون.
3- خانووەکە چەنەها سیستەمی هەستەوەری تێدایە کە دەتوانن چاودێری کەشوو هەوا و ڕووناکی ژوورەکە بکەن ، کاتێک میوانێک دەگات دەرزیەکی دەدرێتە دەست کە بەستراوە بە هەستەوەرەکان لە هەموو خانوەکەدا میوانەکە حەزی لە چ جۆرە ڕووناکیەک بێت و حەزی لە چ کەشوو هەوایەک بێت ئەوا ژوورەکان بە پێی حەزی ئەو کەسە دەگۆڕدرێت.
4- ئەتوانی نەخشی سەر دیوارەکان بگۆڕی تەنها لە ڕێگەی دوگمەیەکەوە ، 80 هەزار دۆلار تەرخانکراوە تەنها بۆ شاشەی کۆمپیتەرەکان کە لە هەموو لایەکی خانووەکە دانراون . هەر کەسێک بە پێی حەزی خۆی دەتوانێت ئەو نەخشەی کە لە سەر دیوارەکە دانراوە بگۆڕێ بۆ هەر وێنەیەک کە خۆی دەیەوێت کە ئەم وێنانە خەزن کراون لەسەر (storage) ێک کە نرخەکەی 150 هەزار دۆلارە.
5- مەلەوانگەیەکی تێدایە کە مەلەوانگەکەش سیستەمی مۆسیقای ژێر ئاوی خۆی هەیە ، رووبەری مەلەوانگەکە 60 پێیە کە لە بەشێکی جیای خانووەکەدایە کە ڕووبەری ئەم بەشە 3900 پێ دووجایە کە 4 دووشی گەرماو و 2 حمامی تێدایە.
6- شوێنێکی گەورەی تێدایە کە دابین کراوە بۆ یاری ئاسن و ئەو بابەتانە کە ژووری ساونا و ژووری هەڵم و هەروەها ژووری دۆڵابی پیاوان و ئافرەتانی بە جیا تێدایە.
7- هۆڵێکی گەورەی تێدایە کە بۆ میوانداری 500 کەس دەبێت ،ئەم هۆڵە لەسەر رووبەری 2300 پێ دووجا درووست کراوە وە
ئاگردانێکی تێدایە کە لە بری دیوارێکیان دانراوە وە هەروەها شاشەیەکی ڤیدۆیی تێدایە کە وەک دیوارێکی تر دانراوە.
8- خانووەکە 24 حمامی تێدایە کە (بیڵ)بۆ ئەوە درووستی کردون کە لەکاتی هەبوونی بۆنەکاندا هیچ کێشەیەک نەبێت
وە شەش مەتبەخی تێدایە کە هەر یەکەیان لە بەشێکی جیاوازی خانووەکەدا دروستکراون.
9- هەبوونی کتێبخانەیەکی گەورە کە (بیڵ) 30 ملیۆن دۆلاری تێدا سەرف کردووە. ئەم کتێبخانەیە کە لە سەر ڕووبەری 2100 پێ دووجا درووستکراوە کە سەقفەکەی شێوەیەکی خڕە بەردی دەرپەڕاوی هەیە کە وتەی (The Great Gatsby)ی لەسەر نووسراوە وە کتێبخانەکە دوو ڕەفەی نهێنی تێدایە کە شاردراوەیەو نابینرێت.
وە لەم کتێبخانەیەدا دەستنووسێکی سەدەی شانزەیەمی (لیۆناردۆ داڤینشی)ی تێدایە کە (بیڵ گەیتس) لە مەزادێکی ئاشکرادا لە ساڵی 1994 کریویەتی بە نرخی 8.30 ملیۆن دۆلار.
10- شانۆیەکی تێدایە کە جێگەی 20 کەس دەبێتەوە ، وە کورسی دانیشتنەکان لە لایەن (Art Deco)وە دیزاین کراوە و دانیشتن لەسەر ئەم کورسیانە زۆر ئاسوودە بەخشە وە ئەم شانۆیە ئامێری تەقاندنی گەنمەشامیشی تێدایە.
11- خانووی میوانەکان هیچی کەمتر نییە لە خانووە سەرەکیەکە و هەمان تەکنەلۆجیای تێدا بەکارهاتووە بە پێی (US news) ئەم بەشەی خانوەکە لە سەر ڕوبەری 1900 پێی دووجا دروستکراوە ، یەکەم بەش بووە کە تەواو بووە ، ئەم خانووە سەرەتا بۆ ئەوە کراوە کە وەک تاقیکردنەوەیەک(تێست)ێک بێت بۆ ئەوەی بزانن ئایە ئەو تەکنەلۆجیایانە سەرکەوتوو دەبێت؟ دوای تەواو بوونی خانووەکە بە سەرکەوتوویی دەستکرا بە دروستکردنی خانووی سەرەکی .
12- گەراجەکانی (گەیتس) شوێنی 23 سەیارە دەبێتەوە ،(Xanadu 2.0)چەن گەراجێکی تێدایە کە لە بەشی جیاوازی خانوەکەدان ، کە سەرنجڕاکێشترینیان ئەوەیە کە وەک ئەشکەوتێک وایە لە ژێر زەویەکەدا درووستکراوە لە کۆنکرێت و ستیلێک کە ژەنگ ناکات و خراپ نابێت جوانی ئەم گەراجە لەوەدایە کە هە ندێک لە کۆنکرێتەکە بە مەبەست شکێنراوە بۆ ئەوەی زبر بێت و شکلێکی جوانی هەبێت کە ئەمەیان توانای لە خۆگرتنی 10 سەیارەی هەیە.
13- دارێک هەبوو کە (بیل گەیتس) هەموو ڕۆژێک لەکاتی ڕۆشتنی بۆ سەر کار دەیبینی کە لە نزیک ماڵەکەیانەوەیە بوو وە ئەم دارەی زۆر خۆشدەویست وە بەرە بەرە خولیای بۆ ئەم دارە زیادی دەکرد کە ئەم دارە تەمەنی 40 ساڵ بوو بۆیە (بیڵ گەیتس) بریاری دا کە دەبێت دارەکە چاودێری بکرێت لە ڕێی کۆمپیتەرەوە ئێستە ئەم دارە 24 کاتژمێر بە بەردەوامی بە شێوەی ئەلکترۆنی چاودێری دەکرێت وە هەر بەشێکی دارەکە ئاوی بۆ نەچێت بەرەو وشک بوون بڕوات ئەوا بە سیستەمی ئەلکترۆنی ئاو دەنێردرێت بۆ ئەو بەشەی دارەکە و لە وشک بوون دەیپارێزێت.
سەرچاوە : Crazy Facts About Bill Gates' $123 Million Washington Mansion