ئێج (Edge) سپیکەرێکی وایەرلێسی بەهێزی تازەیە لەلایەن بانگ و ئۆلوفسێن (Bang & Olufsen) دروستکراوە، شتە سەیرەکە تێیدا تیرە نیو مەتری (50سم) و پانیە 13 سەنتیمەتریەکەیەتی، لەبەر ئەمەش ژوورێکی گەورەت پێویستە بۆ دانانی بەڵام شایەنیەتی.
ئالێکس چیننێک (Alex Chinneck) ئەندازیارێکە شارەزایە لە دروستکردنی دیزاینی هونەریانە کە لە خەیاڵ بەدەرەوەن، ئەم پڕۆژەیەشی، کە لە ئینگلتەرایە، بەناوی ئۆوپن تو پەبلیک Open to public شێوەی بینایەکی ئۆفیسیی کۆنی هەیە کە وەک زنجیری چاکەتێک کراوەتەوە.
بڕبڕەی سەوز (Green Spine) پڕۆژەیەکی نزیک 2 بلیۆن دۆلاری ئەمەریکیە لە ئوستوڕالیا کە ئەگەر بەپێی پلانەکان بڕوات دەبێت بە بەرزترین باڵەخانەی وڵاتەکە و سەرجەم خولگەی باکوور. ئەمەش لەدوای پێشبڕکێیەکی ئەندازیاری کە یوئێن ستۆدیۆ (UNStudio) بردیەوە و دیزاینەکەی بۆ پڕۆژەکە وەرگیرا.
لە کۆتادا کۆمپانیای لامبۆرگینی (Lamborghini) ئۆتۆمۆبێلی ئاڤێنتادۆر ئێس ڤی جەی (Aventador SVJ)ی نیشاندا لە کالیفۆرنیا، یەکەمین دەرخستنی تواناکانی کرد لە مەیدانی پێشبڕکێی نۆربەرگرینگ (Nurburgring) کە لەماوەی 6:44:97 دەقەدا 20 کیلۆمەتری بڕی و بەمەش ڕیکۆردێکی دانا. هەروەها تەنها 900 دانە لەم مۆدێلی ئۆتۆمۆبێلە دروستدەکرێت.
لە کاتە کۆنەکانەوە چەکوشەکان بەر پەنجەی زۆر کەس کەوتوون لە کاتی گرتنی بزماردا بەڵام ئێستا بیرۆکەیەکی نوێ هاتۆتە پێش، دیزاینەر مایکڵ یەنگ (Michael Young) ئەم ئامێرە تازەتەی دروستکردووە کە کارەکان زۆر ئاسانتر و کەم ئازارتر دەکات.
