فیستیڤاڵی ئەندازیاریی جیهانی لیستی ساڵانەی هەڵبژێردراوەکان بۆ باشترین و قەشەنگترین بیرۆکە و دیزاینەکانی 2018یان بڵاوکردەوە. کە پێکدێت لە 39 بەش و 536 پڕۆژەی تێدەکەوێت لە 81 وڵاتی جیاوازەوە لە دەورووبەری جیهانەوە. ئەنجامەکانیش لە مانگی یازدە بڵاودەکرێتەوە لە دوای ئەوەی 100 دادوەری شارەزا سەیری پڕۆژەکان دەکەن.
ئایبیت هارت واچ (iBeat Heart Watch) کاتژمێرێکی زیرەکە کە وەک کاتژمێرە تایبەتەکان بە تەندروستی ڕێژەی لێدانی دڵ دەپێوێت بەڵام لەگەڵ ئەوەشدا دەتوانێت داوای یارمەتی بکات لە حاڵەتی پێویستدا.
باڵەخانەیەکی تازە لە تۆرۆنۆ، کەنەدا دروست دەکرێت لەلایەن ئادریان سمێس + گۆردۆن گیل (Adrian Smith + Gordon Gill) کە بەتایبەتی دیزاینکراوە بۆ وەستاندنی کاریگەریەکانی با، ئەمەش لە 2019دا.
کۆمپانیای سوزوکی (Suzuki) زانیاری زیاتری بڵاوکردەوە لەسەر ئۆتۆمۆبێلە تازەکەیان جیمنی 2019 (Jimny). بە قەبارەیەکی بچووک، هێزی 100 ئەسپ و دەبڵ-ئەکسل کە توانای ڕۆیشتن لەسەر شوێنی سەختی پێدەبەخشێت.
ئەو ئامێرانەی کە چەندەها کەرەستە لە خۆیاندا کۆدەکەنەوە سودێکی زۆریان هەیە. یەکێکی باش لەم ئانێرانە وەیڤە (Wave)، بەناوبانگترین فرە-کەرەستەی کۆمپانیای لێزەرمان (Leatherman)، وە ئێستا جۆرێکی باشتریشی هاتوەە کە وەیڤ پڵەسە.
