ئی ئێس ئەی (ESA) کار لەسەر ڕۆبۆتێکی تازە دەکەن، بە ناوی فێچ (Fetch)، بۆ هەڵگرتنەوەی نموونەی خۆڵ و بەردی سەر هەسارەی مەریخ. بۆ پارە پێشەکی 5.2 ملیۆن دۆلاریان وەرگرتووە، چونکە گەشتێک بۆ سەر مەریخ یەکێکە لە قورسترین کارەکان، گەڕانەوە بە نموونەی ژینگەکەوە زۆر قورسترە.
تەکنیکەکانی کشتوکاڵی ناتوانن لەگەڵ ئەم زیادبوونەی دانیشتوانی سەر زەویدا خۆیان بگرن، ناتوانن خواردنی پێویست دابینبکەن. لەبەر ئەمەش کشتوکاڵی ستوونی کە سوود لە بینای بەرز وەردەگرێت بەکارهێنانێکی باشتری بۆشاییەکە و کاریگەرترە. ئەم بینایەش نموونەیەکە لەسەر ئەوە، گەورەترین کێڵگەی ستوونی دەبێت کە خواردن بۆ هێڵە ئاسمانیەکانی ئیمارات دابیندەکات.
ئەم خانووە بەلەمییە سەرنجڕاکێشە بە ناوی لکۆرۆک (Le Koroc) دیزاینکراوە لەلایەن کۆمپانیای دایگنۆ (Dig nao)بۆ بەلەم دروستکردن. لە دوو شێوەشدا بەردەستە: یەکەمیان بۆ ماسیگرەکان، دووەمیشیان بۆ ئەوانەی ماڵێکیان لەسەر ئاو دەوێت.
لەم لێژاییەدا لە دوای ماڵێکەوە، ئەم ستۆدیۆیە بە سەرنجڕاکێشی وەستاوە و جێگای ئیسراحەت و کارکردن لەگەڵ دیمەنی جوانی بۆ خاوەنی ماڵەکە دابینکردووە. ئەم پڕۆژەیە لەلایەن مات سیچێنەر (Matt Thitchener)ەوە بنیاتنراوە و لە 2017 تەواو کەراوە و لە 2018 خەڵاتێکی وەرگرتووە.
ئەم گۆی دیسکۆ گەورە ئاوێنەییە، کە ناوی ئۆربە (Orb)، پڕۆژەیەکی بەڕێوبەری بیگە (BIG) کە لە فیستیڤاڵی ساڵانەی بێرنینگ مان (Burning Man) دادەنرێت و بەکاردەهێندرێت. بیرۆکەکە ئەوەیە کە لە ڕۆژدا خەڵک خۆیان دەبینن لە کاتی سەماکردن و لە شەویشدا تیشکی لێدەدرێت بۆ ئەوەی خەڵک بە ئاسانی شوێنەکە بناسنەوە.
