لە پێشبڕکێیەکی نێودەوڵەتی تەلارسازیدا، لەنێوان 1,000 تاوەردا تۆر ڕیفۆرما (Tore Reforma) بە براوە هەڵبژێردرا. ئەم باڵەخانەیە، کە ئۆفیسێکە لە مەکسیک، بەرزترین بینایە لە ناوچەکە (246 مەتر) وە توانای بەرگەگرتنی بومەلەرزەی هەیە.
لە هیندستان بەرزترین پەیکەری جیهان تەواوکرا دوای 5 ساڵ لە بنیاتنان. بە بەرزی 182 مەترەوە، پەیکەری یەکگرتوویی (Statue of Unity) لەسەر شێوەی Vallabhbhai Patel دروستکراوە، کە جەنگاوەرێکی ئازادی هیندستان بووە.
لەگەڵ بەرەوپێشچوونی تەکنەلۆژیا شاشە دەگەنە بەردەستمان کە دەنوشتێندرێنەوە، کۆمپانیای وەک سامسۆنگ و ئێڵجی و هواوی کەدەیانەوێت بە زووترین کات بەردەستی بخەن بەڵام ڕۆیۆڵ فلێکسیپای (Royale Flexipad) پێشی هەموویانی داوەتەوە.
پردی هۆنگکۆنگ-ژوهای-ماکاو (HZMB)، کە دوای نۆ ساڵ تازە تەواوکراوە، درێژترین پردی پەڕینەوەیە لەسەر زەریا بە 55کم درێژیەوە، وە تێچووی 20 بلیۆن دۆلاری ئەمەریکی بووە. ئێستاش کراوەیە بۆ گەیاندنی چین بە هۆنگ کۆنگ و ماکاو.
سەنتەری نیشتیمانی هونەری کۆسیونگ (National Kaohsiung Centre for the Arts) بینایەکی زۆربەنرخە کە لەم ماوانەدا تەواوکراوە لەلایەن کۆمپانیای مێکانو (Mecanoo)، وە 50,000 کەس ئامادەی مەراسیم و کۆنسێرتی کردنەوەی بوون.
