کۆمپانیای Stefano Boeri Architetti بە پڕۆکەکانی، کە پڕ لە سەوزایین، دیمەنێکی جوان دەبەخشن بە ناوچە قەرەباڵغەکان. دوابەدوای پڕۆژەکانی لە فەڕەنسا، چین و وڵاتی دیکە، کۆمپانیا ئیتاڵیەکە هەمان کاری دووبارە دەکاتەوە لە بنیاتنانی سێ بینادا لە میسڕ.
پلانەکان ئاشکرا کراون بۆ پڕۆژەیەکی تازە بە ناوی Qiddiya لە سعودیا، بەڵام پێی دەڵێن گێگا پڕۆژە لەبەر قەبارەکەی کە دەگاتە 334 کیلۆمەتر دووجا. ئەوەش گونجاوە کە پلانی ئەم پڕۆژە زەبەلاحە لەلایەن BIGەوە دادەنرێت. ئامانجی پڕۆژەکە ئەوەیە ببێتە پایتەختی وڵاتەکە بۆ هونەر و وەرزش و کات بەسەربردن، وە پێشبینی دەکرێت بۆ 2030 تەواوبکرێت.
کۆمپانیای Kohn Pedersen Fox ڕازی نییە بە بەیەکەوەنانی چوار دیوار بەڵکو جوانترین باڵەخانەکان بنیاتدەنێت. لەم پڕۆژە تازەیەشیاندا، کە ناوی Robinson tower و 175 مەترە، دیزاینە سەرنجڕاکێشەکەیان نیشان دەدەن لەگەڵ بڕێکی زۆر گەورەی سەوزایی.
دوای کێبڕکێیەکی تەلارسازی، UN Studio هەڵبژێردرا بۆ دیزاینکردنی وێستگەی ئۆتۆمۆبێلێکی کێبڵیی تازە لە ڕووسیا. ئەگەر هەمووی بەپێی پلانەکە بڕوات، پڕۆژەکە دەبێت بە یەکەمین ئۆتۆمۆبێلی نێودەوڵەتی کە چین و ڕووسیا بەیەک دەگەیێنێت بە شێوەیەکی گواستنەوەی زۆر خێرا.
بۆ ئەمساڵیش لیستی پێشبڕکێی Cuprinol Shed ئاشکرا کرا کە 21 بەشداربوو لەخۆدەگرێت. ئەم بەناوبانگبوونەی کەپر لە بەریتانیا وەک خانووە بچووکەکانە لە ئەمەریکا، دەشتوانی بڵێی جیاوازیەکی وایان نییە لە ڕووی دیزاینەوە.
